బీరపొట్టుతో పప్పు

చాలామంది బీరకాయలు తొక్కతీసాక  పడేస్తారు,దానిలో మచి పీచు (fiber),ఇనుము (iron ) పుష్కలంగా ఉంటాయి.
ఇవాళ దానితో పప్పు ఎలా చేసుకోవచ్చో చెప్తున్నాను.

 కావలసిన  పదార్దాలు

 కందిపప్పు- 1 కప్

 బీరకాయ పైన తొక్క-1 కప్

 పోపుకి  మినపప్పు-1 స్పూన్

 ఆవాలు ,జీలకర్ర-1స్పూన్

 ఎండుమిర్చి-1

 పచ్చిమిర్చి-1

 కరివేపాకు ఒకరెమ్మ

తయారుచేయు విధానం:

పప్పు మరీ మెత్తగా కాకుండా కొంచెం బద్దలాగా ఉడకపెట్టుకుని వార్చుకోవాలి.బీరకాయ తొక్కుని మిక్సిలో వేసి పొట్టులా చేయాలి.
మినపప్పు,జీల కర్ర,ఆవాలు,మిరపకాయ,పచ్చి మిర్చి,కరివేపాకు రెండు చెంచాల నూనెలో వేయించుకుని,అందులో బీరపొట్టు నీరు పిండేసి పోపులో వేసి ఒక నిమిషం మూత  పెడితే మగ్గుతుంది,అప్పుడు పప్పు వేయాలి,తరువాత ఉప్పు కూడా కలిపి ఒక నిమిషం కదిపితే పొడి పొడిగా అవుతుంది. బీరపొట్టు పప్పు వేడి  వేడి అన్నంలో నెయ్యి వేసుకుని తింటే చాల బాగుంటుంది.